إزالة الرؤوس السوداء

هااااي بنوتات كيفكم ان شاء الله كلكم كيوتات وحلوات ،، اليوم بخبركم عن ماسك صراحة روعه يطلع الرؤوس السوداء من الأعماق (أوووما ههههههه) المهم يا بنات انا جربته ولكن شريته جاهز وفي بنات يسوونه فالبيت وراح احطلكم موقع من اليوتيوب بآخر الموضوع خاص بالانسة آيات الجبوري ونشكرها على الفيديو الواضح وعلى اسلوبها الرائع..

طبعاً يا بنات ملاحظة مهمة:

1- لا تحطيته على حواجبك أبداً أبداً أبداً.

2- أي بنت ما تشيل شعر وجها وما تتحسس يفضل بس تستخدمة على خشمها فقط ولا تحطه بكل وجها على شان ما يطير شعر الويه او تتحسس وتدعي عليه.

ممكن كل وحدة منكم تسوي بحث فالانستجرام او بديرتها تدور عالماسك،، أنا عن نفسي لقيته في أمازون ولقيته في الامارات في إمارة عجمان وممكن تحصلونه أعتقد في السوق الصيني انا بصراحة بروح أدور لأن اللي اخذت منها مرة رافعة السعر مع انه فالنت رخيص مرة.

طبعاً يفضل قبل لا تحطون الماسك تسوون بخار للوجه عشان تنفتح المسامات وتكون النتيجة أفضل ولما يجف الماسك مرة مرة تشيلونه من تحت لي فوق.

أنا أكثر شي ونسني ان الرؤوس السوداء طلعت ومعاهم الشعر اللي بوجهي الصغار وصار ويهي منور وحلو ونظيف ،،

والحين أتركم مع المقطع وتفرجو براحتكم ولا تنسون اللايك النت تستاهل

لا تنسون بنات أي سؤال راسلوني